عاطف الحويتي:
أعتقد هذة المرة الأولي أنتقد فيها لاعب زمالكاوي علي صفحات المواقع ولكن أستفذني جداً موقف اللاعب باسم مرسي أمس بعد إحرازة الهدف الأول أمام كابس يونايتد و إشارته ونظرته بنظرة سخرية لجماهير العالم جميعاً ينبهر بإنتمائها وعشقها لناديها .
الي باسم مرسي عايز ايه من جمهور شايف لاعبين قيمتهم السوقية تتخطي الـ100 مليون جنية وبين التلت خشبات مش عارفين يحرزو هدف .
الي باسم مرسي عايز ايه من الجمهور اللي بقاله موسمين مستحملك ومستحمل سوء ادائك اللي وصل الي مستوي العبث والعك الكروي .
الي باسم مرسي عايز ايه من جمهور لما يشوف هداف الفريق مش عارف يعمل باص صح ولا عارف يخدم علي اللي جاي من ورا الي الامام وكل كورة ياخدها يرمي نفسه علشان ياخد فاول .
الي باسم مرسي عايز ايه من جمهور شايف عشقه الأول و الاخير الزمالك يتغلب 6 مباريات متتاليه واللاعبين عادي مفيش مشكله
الي باسم مرسي فعلاً العيب فينا كجمهور اللي بنعمل من الفسيخ شربات و من أنصاف لاعبين نجوم فيفتكرو أنفسهم فعلاً نجوم و يشتمو وينظرو لينا بإستحقار .
تعليقات